សហព័ន្ធ E-Sports អន្តរជាតប្រកាសបើកវគ្គបណ្តុះបណ្តាល៣ផ្នែក

Tuesday, September 6th, 2016

ដូចសេចក្តីប្រកាសក្នុងកិច្ចប្រជុំកំពូល E-Sports សកលនៅទីក្រុងស៊ាងហៃ ប្រទេសចិនកាលពីខែមុន ពេលនេះសហព័ន្ធ E-Sports អន្តរជាតិសម្រេចបើកវគ្គបណ្តុះបណ្តាលសម្រាប់ឆ្នាំនេះ។ វគ្គសិក្សាមាន៣ប្រភេទគឺសម្រាប់អាជ្ញាកណ្តាល គ្រូបង្វឹក និងអ្នកអត្ថាធិប្បាយ។

វគ្គបណ្តុះបណ្តាលឆ្នាំនេះ វគ្គសិក្សាតាមអនឡាញ និងការហ្វឹកហ្វើនផ្ទាល់នៅទីកន្លែង។ បន្ទាប់ពីបញ្ចប់វគ្គសិក្សាតាមអនឡាញ សិក្ខាកាមនឹងអាចចូលរួមវគ្គសិក្សាផ្ទាល់នៅទីកន្លែងចន្លោះថ្ងៃទី២-៤ ខែតុលា នៅទីក្រុងហ្សាការតា ប្រទេសឥណ្ឌូណេស៊ី។

ក្រោយពីបញ្ចប់វគ្គសិក្សានៅកន្លែងផ្ទាល់រួចហើយ ការហ្វឹកហ្វើននៅទីកន្លែងផ្ទាល់ថែមទៀតសម្រាប់សិក្ខាកាមនៅក្នុងព្រឹត្តិការណ៍ប្រកួតជើងឯកពិភពលោក និងត្រូវបានវាយតម្លៃដោយគណៈកម្មការ។

សម្រាប់ព័ត៌មានបន្ថែម វគ្គសិក្សាតាមអនឡាញនឹងចាប់ផ្តើមពេញលេញចុងឆ្នាំនេះ។ ទោះជាយ៉ាងណា សហព័ន្ធត្រូវការការគាំទ្រពីសមាជិកទាំងអស់ដើម្បីឲ្យការចាប់ផ្តើមបើកវគ្គដំបូងរបស់សហព័ន្ធ E-Sports អន្តរជាតិទទួលបានជោគជ័យ។

សហព័ន្ធបានបើកវគ្គទាំង៣គឺ៖

១-ចំនួនសិក្ខាកាម

• វគ្គអាជ្ញាកណ្តាល៖ ត្រូវការសិក្ខាកាម៦នាក់
• វគ្គអត្ថាធិប្បាយ៖ ត្រូវការសិក្ខាកាម៣នាក់
• វគ្គគ្រូបង្វឹក៖ ត្រូវការសិក្ខាកាម៤នាក់

 

២-លក្ខណចូលរួម
សហព័ន្ធជាតិជាសមាជិកណាមួយដែលមានគោលបំណងដាក់ពាក្យចូលរួមវគ្គសិក្សានេះត្រូវផ្ញើឯកសារឲ្យបានត្រឹមម៉ោង៩ព្រឹក ថ្ងៃទី៧ ខែកញ្ញា។

• សំណំបែបបទចូលរួមវគ្គសិក្ខានេះ សិក្ខាកាមត្រូវជ្រើសរើសវគ្គសិក្សា
• CV ឬ Resume/CV របស់សិក្ខាកាម
• លិខិតបញ្ជាក់ពីសហព័ន្ធពាក់ព័ន្ធ

សហព័ន្ធអន្តរជាតិ IeSF នឹងជ្រើសរើសសិក្ខាកាមណាដែលល្អបំផុតដែលផ្អែកលើ៖

• បទពិសោធន៍ចុះទីលាន
• បទពិសោធន៍លេងហ្គេម ឬពានរង្វាន់

 

៣- ​ការ​ចំណាយ​សម្រាប់​​សិក្ខាកាម​ដែល​ត្រូវ​បាន​ជ្រើស​រើស​

• វគ្គ​សិក្ខា​តាម​អនឡាញ និង​ឯកសារ​
• សំបុត្រ​យន្តហោះ​ទៅ​មក​ ទី​ក្រុង​ហ្សាការតា​
• ការ​ស្នាក់​នៅ​​ចន្លោះ​ថ្ងៃ​ទី​១​ដល់​ទី​១០ ខែ​តុលា​

 

៤-​តម្លៃ​សិក្សា​
សិក្ខាកាម​ដែល​ត្រូវ​បាន​ជ្រើស​រើស​ត្រូវ​បង់​ថ្លៃ​ចំនួន​១០០០​ដុល្លារ​អាមេរិក​ ត្រឹម​ថ្ងៃ​ទី​១១​ ខែ​កញ្ញា​ទៅ​សហព័ន្ធ​អន្តរជាតិ( IeSF)។ តម្លៃ​សិក្ខា​ទាំង​អស់​នឹង​ត្រូវ​ប្រើ​ប្រាស់​សម្រាប់​គាំទ្រ​ដល់​សុខមាលភាព​អត្តពលិក ឬ​ពាក់​ព័ន្ធ​នឹង​ការងារ​របស់​គណៈកម្មាធិការ៕

 

ប្រែ​សម្រួល៖ ជាន ចាន់រ៉ា​

 

---